近日瑞典沉船博物館就公布咗一則考古發現嘅消息，有瑞典「軍艦之母」之稱嘅「瓦薩號」（Vasa）相信唔少史友都可能聽過，但到底呢種巨型戰艦係點樣演變過嚟呢？今次呢個考古發現可能就提供到唔少證據畀考古學家研究。
「瓦薩號」建於1628年，係瑞典第一艘大型軍艦，但就因為建造技術唔成熟最終就喺航行無耐沉沒，而「蘋果號」（Applet）就係喺第二年建成嘅。海洋考古學家近日就喺瑞典海域發現一艘17世紀沉沒軍艦「蘋果號」，呢艘戰艦其實就係17世紀軍艦「瓦薩號」姊妹船。
目前喺海底嘅「蘋果號」側面已經脫落，但船體到下層砲台保存完整。據了解，「蘋果號」由建造手法及尺寸都同「瓦薩號」相似，所以考古學家認為呢次發現唔單止可以了解到大型軍艦演變，更加可以了解到到底瑞典點樣喺17世紀崛起成為大國。
原圖嚟自網絡